Tradisjonen tru, litt ekstra vask på kjøkkenet må til når eg høyrer komentarer om at det er berre så mange veker att til jul. Behovet var så absolutt tilstades, ikkje minst under og bak kjøleskap og komfyr.
På vårt kjøkken har det lett for og samle seg så ymse,og blant anna ein bunke med kort. Eg tek fem minutt og set meg til å lese gjennom. Eg finn ut at eg kan dele dei i tre kategorier:
Innbydelser, takkekort og gratulasjoner. Nokre får eg litt tårer i auge av, andre lokka fram eit smil og nokre kjenner eg ei boblande glede over. Her er familie , venner, politikk, misjon, kort sagt kvardag og fest representert. i tillegg kjem telefoner ,handtrykk, smil ,klemmer og helsinger på anna vis.
I tillegg er eine sida på kjøleskapet dekka med tegninger ,avisutklipp og kort som barnebarn har laga. kunst så ekte som den kan bli. FOR EIN RIKDOM.
Eg tenkjer at uten alt dette hadde livet vore mykje " fattigare", og blir mint om den gamle tanta mi som eg ikkje har ringt til på lenge , om ei sjuk barndomsveninne eg skulle besøkt , om eit kort eg skulle sendt og ein nabo som eg gjerne ville be til middag ein dag,men det har liksom ikkje laga seg. Laga seg, tenkte eg , det er eg som skal lage det slik at eg får gjordt det, og det er ikkje snakk om tid, men om prioritering .
Eg tek ein telefon og inviterer ein nabo til kvelds, og vasken går mykje lettare, i morgon skal eg ta ein telefon til tanta mi, og så skal eg , ja det skal eg det........ God søndag!
Ingen kommentarer:
Legg inn en kommentar